【血海深仇請不要輕易忘記】
之前有日我去咗深水埗，十宇路口交通燈壞咗
有班無咩gear嘅防暴幫手指揮交通
其中一個防暴禮貌好好，不停提醒我哋睇車
我企喺佢隔離時，佢都好善意提醒我小心過馬路。
有半秒我覺得佢(哋)無咁猙獰嘔心⋯⋯
然後過完條馬路我就清醒番，WhatsApp我嘅朋友：
「請提醒我黑警有幾討厭」
然後收到一堆黑警圖，即刻pick up番仇恨記憶。
我都順便喚醒下大家嘅記憶：
半年逾萬枚催淚彈，成份不明。
被捕人士接近6000名，900幾個學生。
六月至今有500宗自殺個案，失蹤人數未明。
仲有無數受傷個案、失去眼晴、昏迷等等。
以前成日都聽人話「記性好係種懲罰」
尤其係將仇恨記得太清楚嘅人，會過得好痛苦。
所以就成日有句說話：「放過別人等如放過自己」
It's NOT TRUE!
有一種仇恨我哋唔應該輕易放下
因為當你「放過/寬恕別人」時，
其實正正係縱容別人，悔對自己。
你原諒極權，就等於默許佢繼續肆無忌憚
你放過暴政，就等於縱容佢繼續為所欲為
你寬恕黑警，就等於放棄追究佢哋應付嘅責任
你忘記仇恨，就等於放棄為受害嘅人取回公義。
我唔打算情感勒索大家
話畀大家知一定要去遊行/要杯葛邊個/要做啲咩咩咩咩
只係想送一句歌詞畀自己同大家：
「我如果對自己妥協 如果對自己說謊
即使別人原諒我也不能原諒」
我會時刻提醒自己
喺極權、黑警得到應有報應同付上應付責任之前
此仇此恨我都會牢牢記好，絕不寬恕。
此舉不為別人，全為對得住自己。
//
離開香港幾日，想睇平行時空圖片去睇我IG story
IG：@hkgirlfriend
FB：港女友
Search